|
ADNODDAU TECHNOLEG GWYBODAETH
Credwn yn gryf mewn defnyddio technoleg i ehangu’r dysgu a’r addysgu yng Nghwmtawe. I’r perwyl hwn, buddsoddwn mewn datblygu ein hadnoddau technoleg gwybodaeth a’n staff yn flynyddol.
Cofrestru gwersi ar SIMS
Mae gan bob dosbarth gyfrifiadur i hwyluso ein sustem gofrestru, gwers wrth wers. Mae hyn yn ein galluogi i adnabod disgyblion unigol sydd heb fod yn bresennol a chymryd camau i unioni hynny. Mae’r sustem yn ein helpu i gynnal un o’r cyfraddau absenoldeb heb ganiatad isaf yng Nghymru.
 Ystafelloedd Technoleg Gwybodaeth
Mae gennym unarddeg ystafell yn llawn cyfrifiaduron sydd wedi eu lleoli’n gyfleus ar draws safle’r ysgol – gall pob ystafell ddal rhwng 20 a 30 disgybl ar unrhyw adeg.
Ym mhob ystafell ceir taflunydd data ac adnoddau argraffu lliw a du a gwyn. Gwneir defnydd llawn o’r rhain gan bob pwnc.
Bwrdd Gwyn rhyngweithiol a Thaflunwyr Data
Ceir taflunydd data ym mhob ystafell gofrestru yn yr ysgol. Defnyddir rhain yn ystod cyfnodau cofrestru a gwersi bugeiliol i ddatblygu sgiliau allweddol. Ar ben hyn, mae gan bob ystafell yr yr adrannau Mathemateg, Saesneg, Gwyddoniaeth, Gyrfaoedd, Ieithoedd a Dyniaethau daflunwyr data. Mae gennym hefyd fwrdd arddangos 10 troedfedd (3 metr) yn neuadd yr ysgol ar gyfer cynnal gwasanaethau ysgol ysgytwol.
|
